Вентилоконвектор и топлинска пумпа: совети за ефикасно греење и ладење

Денес има многу начини да го загреете домот. Дали сте запознаени со разликите и со предностите на секој систем?

Се сеќавате ли на времето кога радијаторите беа единствениот начин за греење на домовите? Меѓутоа, со развојот на технологијата и на системите, денес има голем број нови можности за удобно зимско греење коешто обезбедува оптимален комфор во домот.

Секој систем за греење има свои технички карактеристики и предности, но сите ветуваат заштеда на енергија, што значи помали сметки за греење.

Системи за греење со зрачење топлина

За новите згради, но и за реновирање на постојните, системите за подно греење стануваат сѐ попопуларен избор и одржлива алтернатива на традиционалните радијатори. Но, како функционираат овие системи и кои се нивните главни предности? За разлика од радијаторите, кои зафаќаат простор во домот, системот за греење со зрачење е речиси незабележлив.

Овој систем користи калеми поставени под подот, низ кои обично тече вода на температура меѓу 30 и 40 °C. Кога подот се загрева, топлината се шири внатре во просторијата, овозможувајќи извонредна удобност во домот. Ова решение може да се приспособи за ѕидни или за тавански системи и нуди сигурност и издржливост. Заштедата на енергија се овозможува и со работа со пониска температура (за разлика од радијаторите, за кои е потребна температура над 60 °C за да работат правилно).

Овие заштеди значително се зголемуваат ако овој систем се комбинира со топлинска пумпа, која користи бесплатна обновлива енергија (надворешен воздух, подземна вода или подземна топлина). Овие заштеди никогаш не би можеле да ги постигнете со кондензациски бојлер што користи фосилни горива.

Вентилоконвектори: иновативни системи за удобност

Што точно се вентилоконвектори? Дали се слични на радијаторите или работат повеќе како грејачи со зрачење? Вентилоконвекторите изгледаат како класични радијатори бидејќи имаат терминал што може да се постави на ѕидот или на подот. Тие се разликуваат од радијаторите во два главни аспекта: вентилоконвекторите испуштаат воздух директно во околината и можат да се користат не само за греење, туку и за ладење.

Начинот на кој работат е многу едноставен. Вентилоконвекторите најпрво го всисуваат воздухот од просторијата со помош на вентилатор, а потоа го доведуваат до саканата температура со помош на разменувач на топлина поврзан со кондензациски бојлер или со топлинска пумпа. Откако воздухот ќе се загрее или олади, може да се дистрибуира повторно во различни простории во куќата.

Се разбира, како и секое решение за климатизација, вентилоконвекторите имаат свои предности и недостатоци. Една од главните предности е малата потрошувачка при работа, слична на системот на греење со зрачење топлина. Во режимот на греење, всушност, доволна е температура на проток од 45 до 50 °C во споредба со температурата од 60 до 70 °C кај радијаторите, што им овозможува на вентилоконвекторите да работат совршено со топлински генератори на ниски температури (топлински пумпи) и со соларни термални системи. Друга предност е едноставното користење на поновите модели коишто имаат бројни програми за вентилација и тајмери за регулирање на времето.

Што се однесува до удобноста што доаѓа од рамномерната температура низ целиот дом, тоа може да се постигне едноставно со избирање на производот што најмногу одговара на вашите потреби. На пример, во многу голема просторија се препорачува да се инсталира вентилоконвектор во центарот на таванот, додека во помалите простории може да биде посоодветна ѕидна инсталација.

Главниот недостаток на вентилоконвекторите е високиот трошок за инсталирање, но тоа се надоместува со намалување на потрошувачката за околу 30 насто во споредба со радијаторите. Има и други фактори, како што се бучавата, прашината и потрошувачката на електрична енергија.

А топлинска пумпа?

Можеби се прашувате: што точно е топлинска пумпа?

Топлинската пумпа не е замена за вентилоконвекторите или за системите за греење и ладење со зрачење, туку е клучен уред што им овозможува да работат. Таа е генератор што значително се разликува од класичните котли. Главната разлика лежи во фактот што топлинската пумпа може да работи ефикасно при ниски температури, па затоа не се препорачува да се користи во комбинација со традиционалните радијатори. Уште поважно, топлинските пумпи користат обновливи извори на енергија за работа.

Сите знаеме дека вентилоконвекторите веќе овозможуваат значителни заштеди во трошоците за греење кога се комбинираат со котли што работат на фосилни горива, како што е гасот. Но, кога ќе внесете топлинска пумпа во системот, ќе имате уште поголеми придобивки.

Сенаменски топлински пумпи

Clivet нуди различни видови топлински пумпи што се совршени за комбинирање со вентилоконвекторите, но и со други системи, како што се подни, ѕидни и тавански системи за греење со зрачење топлина.

Достапни се две главни решенија, приспособени според индивидуалните потреби на сопствениците на куќите, станбените згради, деловните и индустриските објекти:

• Топлински пумпи со повеќе делови: како што укажува и самиот назив, овие пумпи ги одделуваат внатрешните и надворешните единици, оптимизирајќи распоред и ефикасност.
• Топлински пумпи во еден дел: овие единици ги комбинираат двете компоненти во еден производ, овозможувајќи голема удобност и голема повратна инвестиција.

Топлинските пумпи од компанијата Clivet претставуваат идеално решение за сите потреби за греење и ладење, што доведува до заштеда и удобност во домот или во деловниот простор.