До електрична енергија преку силата на сонцето: фотонапонски системи на покриви за заштеда на енергија

Благодарение на фотонапонските системи, сега можете да произведувате чиста електрична енергија користејќи ја силата на сончевата светлина. Овие системи се идеално решение за задоволување на вашите потреби за електрична енергија на одржлив начин, за разлика од соларните топлински панели, кои ја користат сончевата топлина за греење вода за домаќинството.

Како сончевата енергија станува електрична енергија што ги напојува уредите како што се топлинските пумпи, клима-уредите и телевизорите? Ова е можно благодарение на фотонапонските ќелии направени од 99 % чист силициум, кои ги сочинуваат фотонапонските панели, и со помош на уред за конвертирање наречен инвертер. Панелите генерираат еднонасочна електрична енергија, а инверторот ја претвора во наизменична електрична енергија веднаш достапна за употреба во домаќинството.

Фотонапонски системи на покривите: предностите ги надминуваат недостатоците

Предностите на фотонапонските системи на покривите ги надминуваат недостатоците. Еве неколку причини зошто треба да размислите за инсталирање фотонапонски систем:

• Намалување на сметките за енергија: фотонапонскиот систем ви ја намалува зависноста од електричната мрежа и ви овозможува да ја користите сопствената генерирана енергија. Со ефикасна употреба, можете да заштедите до 55 насто на сметката за струја во домот. Со додавање батерија за складирање електрична енергија, како што е Clivet Sinergy, можете дополнително да ги зголемите заштедите.
• Производство на чиста енергија: фотонапонскиот систем придонесува за намалување на емисиите на стакленички гасови и ја поддржува употребата на обновливи извори на енергија, што е добро за животната средина и со што се промовира одржлив економски модел.
• Зголемување на вредноста на недвижностите: инсталирањето фотонапонски систем ви ја зголемува комерцијалната вредност на домот и ви овозможува да ја оптимизирате инвестицијата во недвижности. Потенцијалните клиенти го ценат присуството на оваа технологија.
• Едноставно одржување: одржувањето на фотонапонските системи е едноставно и практично, во зависност од бројот на инсталирани модули и од староста на системот. Се разбира, важно е да се одржи високата ефикасност на системот со чистење на панелот и со периодично проверување на неговите компоненти.

Важно е да се напомене дека фотонапонскиот систем произведува енергија само кога грее сонцето, па во текот на ноќта или во дождливите денови, сè уште ќе треба да се користи електричната мрежа. Сепак, системот за складирање енергија, како што е Clivet Sinergy може да ја надомести оваа нееднаквост, овозможувајќи ви да ја користите складираната енергија секогаш кога ви е потребна, дури и кога нема сонце.

Барања за покривот за постигнување оптимална ефикасност на системот

Ако размислувате за поставување фотонапонски систем, важно е да ги земете предвид следниве барања за покривот за да се постигне максимална ефикасност на системот:

• Насочување: најдобро е панелите да се ориентираат кон југ, каде што сончевата светлина е најсилна и најдолготрајна. Со тоа ќе се овозможи најдобра ефикасност, особено кај закосените покриви насочени кон југ. Ова не е проблем кај рамните покриви, кои им овозможуваат поголема ефикасност на инсталаторите на овие системи.
• Површина на покривот: колку што е поголема површината на покривот на којашто ги поставувате панелите, толку поголемо количество енергија ќе се произведе и ќе има поголема достапност на електрична енергија.
• Навалување и пречки: правилното навалување им овозможува на панелите да соберат повеќе светлина и да постигнат поголема ефикасност. Исто така, важно е да нема други згради во близина коишто би правеле сенка на панелите.

Максимално искористување на фотонапонски системи

За максимално искористување на произведената електрична енергија и за овозможување самостојно напојување на уредите, како што се топлинските пумпи или бојлерите, во текот на ноќта и во вечерните часови, најдобро е да се комбинира фотонапонски систем со систем за складирање енергија.

Sinergy претставува нов модуларен систем што е лесен за поставување, создаден од компанијата Clivet за поддршка на куќите во постигнување енергетска самостојност. Совршен за нови и за реновирани згради, системот е достапен во четири капацитети, од 5 kWh (за помали станбени простори) до 20 kWh (за поголеми и за средни станбени единици). Водечките производи Sinergy Clivet, исто така, вклучуваат специјална технологија за производство на батерии од литиум – железо – фосфат, кои гарантираат вкупен рок на траење од 10.000 циклуси на полнење и празнење.